ரவா தோசை 2

தேவையானவை : 

பாம்பே ரவா 1 கப்
பச்சைமிளகாய் 5 - 6 - பொடியாக நறுக்கவும்
சீரகம் அரை ஸ்பூன்
பெருங்காயம் கொஞ்சம்
மோர் 2 கப்
கறிவேப்பிலை கொஞ்சம்
கொத்துமல்லி கொஞ்சம் 
பெரியவெங்காயம் பொடியாக நறுக்கினது 
உப்பு
நெய் தோசை வார்க்க

செய்முறை :

வாணலி இல் பாம்பே ரவாபோட்டு நன்கு வறுக்கவும்.
உப்பு போடவும்.
ஒரு பெரிய பத்திரத்தில் கொட்டவும்.
கொஞ்சம் ஆறினதும் அதில் சீரகம், பெருங்காயம், கறிவேப்பிலை, வெங்காயம் , பச்சைமிளகாய், கொத்துமல்லி எல்லாம் போடவும்.
நன்கு கையால் கலக்கவும்.
பிறகு மோர் விட்டு கட்டிகளில்லாமல் கரைக்கவும்.
ஒரு அரைமணி வைத்திருந்து மெல்லிய தோசைகளாய் வார்க்கவும்.
நல்ல கரகரப்பாக அதாவது மொறுமொறுப்பாக வரும்.

குறிப்பு : சாதாரண தோசை போல இல்லாமல் இந்த மாவை தோசை கல்லின் ஓரத்திலிருந்து விடனும். நடுவில் விட்டு பரத்த முடியாது.