வெங்காய ரவா தோசை

மேலே சொன்னது 'ப்ளைன் ரவா தோசை ' இது வெங்காய ரவா தோசை  

தேவையானவை :

பெரியவெங்காயம் பொடியாக நறுக்கினது ஒரு கப் 
பாம்பே ரவா 3 கப்
அரிசிமாவு 2 கப்
கோதுமை மாவு 1 கப்
பச்சைமிளகாய் 5 - 6 - பொடியாக நறுக்கவும்
கடுகு அரை ஸ்பூன்
சீரகம் அரை ஸ்பூன்
பெருங்காயம் கொஞ்சம்
மோர் 2 கப்
கறிவேப்பிலை கொஞ்சம்
உப்பு
எண்ணெய் தோசை வார்க்க
தேவையானால் கொத்துமல்லி 

செய்முறை :

ஒரு பெரிய பத்திரத்தில் பாம்பே ரவா, அரிசிமாவு, கோதுமை மாவு எல்லாவற்றையும் போடவும்.
உப்பு போடவும்.
வாணலி இல் எண்ணெய் விட்டு கடுகு, சீரகம், பெருங்காயம், கறிவேப்பிலை, பச்சைமிளகாய் எல்லாம் தாளித்து மாவின் மேல் கொட்டவும்.
நன்கு கையால் கலக்கவும்.
பிறகு மோர் விட்டு கட்டிகளில்லாமல் கரைக்கவும்.
வெங்காயம் சேர்க்கவும்.
ஒரு அரைமணி வைத்திருந்து மெல்லிய தோசைகளாய் வார்க்கவும்.
நல்ல கரகரப்பாக அதாவது மொறுமொறுப்பாக வரும்.

குறிப்பு : சாதாரண தோசை போல இல்லாமல் இந்த மாவை தோசை கல்லின் ஓரத்திலிருந்து விடனும். நடுவில் விட்டு பரத்த முடியாது.