மைதா பரோட்டா 2

Ingredients:

• மைதா மாவு - 2 கப்
• நெய் - ஒரு டேபிள்ஸ்பூன்
• சர்க்கரை - ஒரு டீஸ்பூன்
• சோடா உப்பு - அரை சிட்டிகை
• உப்பு - தேவையான அளவு
• எண்ணெய் - நெய் கலவை - தேவையான அளவு.

Method:

• மேலே கூறியுள்ள எல்லாவற்றையும் ஒன்றாகச் சேர்த்துப் பிசைந்து கொள்ளவும்.
• நன்கு அழுத்திப் பிசைந்து, சிறிது நேரம் வைத்திருக்கவும்.
• பிறகு அதிலிருந்து சிறிது மாவை எடுத்து, நன்கு மெல்லிய, பெரிய சப்பாத்தியாக இடவும்.
• இதே போல எல்லா மாவையும் பெரிய பெரிய சப்பாத்திகளாக இட்டுக்கொள்ளவும்.
• முதலில் ஒன்றை மேடைமேல் வைத்து, அதன் மேல் நெய்யை தாராளமாக தடவவும்.
• அடுத்த சப்பாத்தியை அதன் மேல் போடவும்.
• இதேபோல குறைந்தது ஆறு சப்பாத்திகளை ஒன்றன் மேல் ஒன்றாக அடுக்கவும்.
• பிறகு அதை மெல்ல சுருட்டவும்.
• இப்புதுசு அதை குறுக்கு வாட்டில் ஆறு துண்டுகளாக 'கட்' செய்து கொள்ளவும்.
• இப்பொழுது அதை கனமான பரோட்டாவாக இடவும்.
• தோசைக்கல்லில் மிதமான தீயில், எண்ணெய், நெய் சேர்த்து இரண்டு பக்கங்களும் நன்கு வேகும் வரை பொறுத்திருந்து எடுக்கவும்.
• வரி வரியாக, ருசியாக இருக்கும் இந்த மைதா பரோட்டா.

மைதா பரோட்டா

Ingredients:

• மைதா மாவு - 2 கப்
• நெய் - ஒரு டேபிள்ஸ்பூன்
• சர்க்கரை - ஒரு டீஸ்பூன்
• சோடா உப்பு - அரை சிட்டிகை
• உப்பு - தேவையான அளவு
• எண்ணெய் - நெய் கலவை - தேவையான அளவு.

Method:

• மேலே கூறியுள்ள எல்லாவற்றையும் ஒன்றாகச் சேர்த்துப் பிசைந்து கொள்ளவும்.
• நன்கு அழுத்திப் பிசைந்து, சிறிது நேரம் வைத்திருக்கவும்.
• பிறகு அதிலிருந்து சிறிது மாவை எடுத்து, நன்கு மெல்லிய, பெரிய சப்பாத்தியாக இடவும்.
• அதைப் புடவை கொசுவம் போல மடித்துக் கொள்ளவும்.
• இதுவும் பழக்கத்தில் தான் வரும்.
• மடித்ததை வட்டமாக சுருட்டி, சற்றுக் கனமாக இடவும்.
• இதேபோல மொத்த மாவையும் செய்து கொள்ளவும்.
• தோசைக்கல்லில் மிதமான தீயில், எண்ணெய், நெய் சேர்த்து இரண்டு பக்கங்களும் நன்கு வேகும் வரை பொறுத்திருந்து எடுக்கவும்.
• ருசியாக இருக்கும் இந்த மைதா பரோட்டா.

வெஜிடபிள் ஸ்டஃப்டு பரோட்டா

Ingredients:

• கோதுமை மாவு - 2 கப்
• நெய் - ஒரு டேபிள்ஸ்பூன்
• உப்பு - அரை டீஸ்பூன்
• காய்கறிக்கலவை (பட்டாணி, பீன்ஸ், கேரட் போன்றவை) - ஒரு கப்
• வேகவைத்து மசித்த உருளைக்கிழங்கு - அரை கப்
• இஞ்சி, பச்சை மிளகாய், பூண்டு விழுது - 2 டீஸ்பூன்
• கொத்துமல்லி பொடியாக நறுக்கியது - 2 டீஸ்பூன்
• எண்ணெய் - ஒரு டேபிள்ஸ்பூன்
• உப்பு - தேவையான அளவு
• எலுமிச்சம்பழச் சாறு - ஒரு டேபிள்ஸ்பூன்.

Method:

• காய்கறிகளை அளவான தண்ணீரில் உப்பு சேர்த்து, வேகவைத்து மசித்துக் கொள்ளவும்.
• வாணலி இல் எண்ணெயை விட்டு, அரைத்த விழுது, மசித்த உருளைக்கிழங்கு, மசித்த காய்கறி கலவை, எலுமிச்சம்பழச் சாறு, உப்பு சேர்த்து கிளறி இறக்கவும்.
• இதுதான் பூரணம்; இது நல்லா கெட்டியாக இருக்கும்படி பார்த்துக் கொள்ளுங்கள்.
• சமமான உருண்டைகளாக பிரித்து உருட்டி வைத்துக் கொள்ளவும்.
• கோதுமை மாவை நெய், உப்பு சேர்த்துப் பிசைந்து கொள்ளுங்கள்.
• பிசைந்த மாவிலிருந்து, கொஞ்சம் எடுத்து சின்ன சப்பாத்தியாக இட்டு, அதன் நடுவே ஒரு காய்கறி உருண்டையை வைத்து, கொழுக்கட்டை போல மூடி, கைகளால் பரத்தி, பிறகு மெல்ல சப்பாத்தியாக இடவும்.
• பிறகு தோசைக்கல்லில் போட்டு, எண்ணெய் விட்டு எடுங்கள்.
• அருமையான, வெஜிடபிள் ஸ்டஃப்டு பரோட்டா ரெடி.
• எஸ், இதற்கும் தயிர் தான் .

முளைப்பயறு ஸ்டஃப்டு பரோட்டா ! பச்சை பயிறு ஸ்டஃப்டு பரோட்டா

Ingredients:

• கோதுமை மாவு - 2 கப்
• நெய் - ஒரு டேபிள்ஸ்பூன்
• உப்பு - அரை டீஸ்பூன்
• எண்ணெய் - நெய் கலவை - தேவையான அளவு.
• எலுமிச்சை சாறு - இரண்டு டேபிள் ஸ்பூன்
• பூரணத்துக்கு:
• முளைப்பயறு - முக்கால் கப்
• பனீர் துருவல் - 2 டேபிள்ஸ்பூன் ( தேவையானால் )
• பச்சை மிளகாய் - 2
• பூண்டு (விருப்பப்பட்டால்) - 3 பல்
• உப்பு - தேவையான அளவு
• எண்ணெய் - 2 டீஸ்பூன்

Method:

• முளைப்பயறை ஆவியில் வேகவைத்து எடுத்துக்கொள்ளுங்கள்.
• ஆறியவுடன் பூண்டு, பச்சை மிளகாய் இரண்டையும் சேர்த்து விழுதாக அரைக்கவும்.
• வாணலி இல் எண்ணெயைவிட்டு, அரைத்த விழுதை போட்டு , உப்பு போட்டு வதக்கவும்.
• வாசனை போன பிறகு, அந்த விழுதுடன் பனீர் துருவல், எலுமிச்சை சாறு சேர்த்து கிளறி இறக்கவும்.
• கோதுமை மாவை வழக்கம்போல பிசைந்து, சப்பாத்திகளாக இட்டு , நடுவே முளைப்பயறு பூரணத்தை வைத்து, சொப்பு போல செய்து, மெல்ல இடவும்.
• பூரணம் வெளியே வராமல் இடுவது என்பது பழக்கத்தில் தான் வரும். ஜாக்கிரதையாக எடுத்து அடுப்பில் போடவும்.
• சரியாக வராவிட்டால், ஒரு சப்பாத்தி இன் மேல் பூரண கலவை வைத்து பரத்தி, மேலே இன்னொரு சப்பாத்தி வைத்து, ஓரங்களை ஒட்டி மேலடுவாக தோசைக்கல்லில் போட்டு, இரண்டுபக்கமும் நன்கு வெந்ததும் எடுக்கவும்.
• சுவையான, 'பச்சை பசேல்' என்கிற முளைப்பயறு ஸ்டஃப்டு பரோட்டா தயார்.
• வழக்கம் போல கெட்டி தயிர் போதும் இதற்கு தொட்டுக்கொள்ள .

Notes:

• இதில் எலுமிச்சை சாறுக்கு பதில் தக்காளியும் சேர்க்கலாம். அல்லது ஆம் சூர் சேர்க்கலாம்.

ஸ்வீட் ஸ்டஃப்டு பரோட்டா

Ingredients:

• கோதுமை மாவு - 2 கப்
• நெய் - ஒரு டேபிள்ஸ்பூன்
• உப்பு - அரை டீஸ்பூன்
• எண்ணெய் - நெய் கலவை - தேவையான அளவு.
• ஸ்டஃப் செய்யும் பூரணத்துக்கு:
• தேங்காய் துருவல் - அரை கப்
• முந்திரிப்பருப்பு - 50 கிராம் அல்லது ஒரு கைப்பிடி அளவு
• சர்க்கரை - அரை கப் பொடித்து வைத்துக் கொள்ளவும்
• ஏலக்காய் பொடி அல்லது வெனிலா எசன்ஸ் - சிறிதளவு.

Method:

• தேங்காயுடன் முந்திரிப்பருப்பு சேர்த்து அரைத்துக் கொள்ளவும்.
• தண்ணீர் விடவேண்டாம்.
• அதனுடன் சர்க்கரை சேர்த்து வெனிலா எசன்ஸ் அல்லது ஏலக்காய் பொடி சேர்த்து கலக்கி வைத்துக் கொள்ளவும்.
• கோதுமை மாவை நெய், உப்பு சேர்த்து பிசைந்துகொள்ளவும்.
• சிறிதளவு மாவு எடுத்து கிண்ணம் போல செய்து, பூரணத்தை உள்ளே வைத்து மெல்லிய சப்பாத்திகளாக இடவும் .
• பூரணம் வெளியே வராமல் இடுவது என்பது பழக்கத்தில் தான் வரும். ஜாக்கிரதையாக எடுத்து அடுப்பில் போடவும்.
• கொஞ்சம் சிரமமான காரியம்தான் என்றாலும், ருசி நன்றாக இருக்கும்.
• தோசைக்கல்லில் போட்டு, எண்ணெய் - நெய் கலவை விட்டு வேகவிட்டு எடுக்கவும் .
• குழந்தைகள் மிகவும் விரும்புவார்கள் இதை.

Notes:

• தித்திப்பு என்பதால் ஓட்டும் , இடும்பொழுது கவனம் தேவை. மிகவும் கஷ்டமாக இருந்தால், ஒரு போலாஸ்டிக் கவரில் வைத்து கைகளால் தட்டி சின்ன சின்ன பூரி சைசில் செய்து தோசை கல்லில் போட்டு எடுத்து பரிமாறுங்கள்
• அப்படி சின்ன சின்னதாக செய்வதானால், கொதிக்கும் பாலில் போட்டு பால் போளி போலவும் பரிமாறலாம்.

பனீர் ஸ்டஃப்டு பரோட்டா

Ingredients:

• கோதுமை மாவு - 2 கப்,
• துருவிய பனீர் - 2 கப்
• மிளகு சீரகம் பொடித்தது 1 டேபிள் ஸ்பூன்
• உப்பு - தேவையான அளவு
• எண்ணெய்-நெய் கலவை - தேவையான அளவு.

Method:

• துருவிய பனீரை வாணலி இல் போட்டு, கொஞ்சம் உப்பு மற்றும் மிளகு சீரகப்பொடி போட்டு நன்கு கிளறவும்.
• அடுப்பை சின்னதாக வைத்துக் கொள்ளவும்.
• கிளறிக்கொண்டே இருக்கவேண்டும், ஓரிரு நிமிடங்களில், எல்லாமாக சேர்ந்து உருண்டை போல திரண்டு வரும்; அப்பொழுது அடுப்பிலிருந்து இறக்கிவிடவும்.
• தட்டில் கொட்டி பரத்திவிடவும்; அது நன்கு ஆறட்டும்.
• ஒரு பேசினில் கோதுமை மாவு போடவும்.
• உப்பு மற்றும் நெய் சேர்க்கவும்.
• நன்றாக கலக்கவும்.
• பிறகு, ஒரு சப்பாத்தியை சிறியதாக இட்டு, அதன் மேல் ஒரு ஸ்பூன் பூரணத்தை வைத்து ( கொழுக்கட்டைக்கு பூரணம் வைப்பது போல பனீர் கலவையை வைத்து ) முடிவிடவும்.
• பிறகு, அதை சப்பாத்தியாக இடவும்.
• பூரணம் வெளியே வராமல் இடுவது என்பது பழக்கத்தில் தான் வரும். ஜாக்கிரதையாக எடுத்து அடுப்பில் போடவும்.
• கொஞ்சம் சிரமமான காரியம்தான் என்றாலும், ருசி நன்றாக இருக்கும்.
• இதற்கு தொட்டுக்க கொள்ள தயிர் போதும்.

Notes:

• எண்ணெய்-நெய் கலவை - தோசை மற்றும் சப்பாத்தி செய்வதற்கு எப்போதுமே எண்ணெய் அரை கப் என்றால், நெய் கால் கப் என்ற விகிதத்தில் கலந்து வைத்துக் கொள்ளுங்கள். அருமையாக, மணமாக இருக்கும்.

உருளைக்கிழங்கு ஆலு ஸ்டஃப்டு பரோட்டா

Ingredients:

• கோதுமை மாவு - 2 கப்,
• வேகவைத்து துருவிய உருளைக் கிழங்கு - 2 கப்
• பச்சை மிளகாய் 8 - 10
• கரம் மசாலா 1 ஸ்பூன்
• உப்பு - தேவையான அளவு
• எண்ணெய்-நெய் கலவை - தேவையான அளவு.

Method:

• ஒரு பாத்திரத்தில் உப்பு மற்றும் பொடியாக நறுக்கிய பச்சை மிளகாயை நன்கு கசக்கிப் பிசையவும்.
• அதில் இப்பொழுது வேகவைத்து துருவிய உருளைக் கிழங்கு மற்றும் கரம் மசாலா போட்டு நன்றாகப் பிசைந்து கொள்ளவும்.
• ஒரு பேசினில் கோதுமை மாவு போடவும்.
• உப்பு மற்றும் நெய் சேர்க்கவும்.
• நன்றாக கலக்கவும்.
• பிறகு, ஒரு சப்பாத்தியை சிறியதாக இட்டு, அதன் மேல் ஒரு ஸ்பூன் பூரணத்தை வைத்து ( கொழுக்கட்டைக்கு பூரணம் வைப்பது போல) முடிவிடவும்.
• பிறகு, அதை சப்பாத்தியாக இடவும்.
• பூரணம் வெளியே வராமல் இடுவது என்பது பழக்கத்தில் தான் வரும். ஜாக்கிரதையாக எடுத்து அடுப்பில் போடவும்.
• கொஞ்சம் சிரமமான காரியம்தான் என்றாலும், ருசி நன்றாக இருக்கும்.
• இதற்கு தொட்டுக்க கொள்ள தயிர் போதும்.

Notes:

• காலிஃப்ளவர் ஸ்டஃப்டு பரோட்டாக்கு அடுத்தது இதுதான் ...மிகவும் அருமையாக இருக்கும்.
• எண்ணெய்-நெய் கலவை - தோசை மற்றும் சப்பாத்தி செய்வதற்கு எப்போதுமே எண்ணெய் அரை கப் என்றால், நெய் கால் கப் என்ற விகிதத்தில் கலந்து வைத்துக் கொள்ளுங்கள். அருமையாக, மணமாக இருக்கும்.

முள்ளங்கி ஸ்டஃப்டு பரோட்டா - 3

Ingredients:

• கோதுமை மாவு - 2 கப்
• நெய் - 2 டீஸ்பூன் மாவு கலக்க
• உப்பு - தேவையான அளவு
• எண்ணெய் - நெய் கலவை - சப்பாத்தி செய்ய
• பூரணத்துக்கு:
• முள்ளங்கி துருவல் - ஒன்றரை கப்
• மிளகாய் பொடி - 1 டீஸ்பூன்
• சீரகப் பொடி - 1 டீஸ்பூன்
• தனியா பொடி - அரை டீஸ்பூன்
• கரம்மசாலா - ஒரு டீஸ்பூன்
• உப்பு - தேவையான அளவு

Method:

• பூரணத்துக்கு கொடுத்துள்ள பொருட்களை கலந்து அப்படியே வைக்கவும்.
• ஒரு பத்து நிமிடங்கள் கழித்து பார்த்தால் , 'சத சத' வென தண்ணீர் விட்டுக்கொண்டு இருக்கும் அது.
• அதை நன்றாக பிழிந்து வைத்துக் கொள்ளவும்.
• (தேவையானால் கொத்தமல்லித்தழை சேர்க்கலாம். )
• ஒரு பேசினில் கோதுமை மாவு போடவும்.
• உப்பு மற்றும் நெய் சேர்க்கவும்.
• நன்றாக கலக்கவும்.
• பிறகு, ஒரு சப்பாத்தியை சிறியதாக இட்டு, அதன் மேல் ஒரு ஸ்பூன் பூரணத்தை வைத்து ( கொழுக்கட்டைக்கு பூரணம் வைப்பது போல) முடிவிடவும்.
• பிறகு, அதை சப்பாத்தியாக இடவும்.
• பூரணம் வெளியே வராமல் இடுவது என்பது பழக்கத்தில் தான் வரும்.
• ஜாக்கிரதையாக எடுத்து அடுப்பில் போடவும்.
• கொஞ்சம் சிரமமான காரியம்தான் என்றாலும், ருசி நன்றாக இருக்கும்.
• இதற்கு தொட்டுக்க கொள்ள தயிர் போதும்.

காலிஃப்ளவர் ஸ்டஃப்டு பரோட்டா

Ingredients:

• கோதுமை மாவு - 2 கப்,
• பொடியாக துருவிய காலிஃப்ளவர் - 2 கப்
• பச்சை மிளகாய் 8 - 10
• கரம் மசாலா 1 ஸ்பூன்
• உப்பு - தேவையான அளவு
• எண்ணெய்-நெய் கலவை - தேவையான அளவு.

Method:

• ஒரு பாத்திரத்தில் உப்பு மற்றும் பொடியாக நறுக்கிய பச்சை மிளகாயை நன்கு கசக்கிப் பிசையவும்.
• அதில் இப்பொழுது பொடியாக துருவிய காலிஃப்ளவர் மற்றும் கரம் மசாலா போட்டு நன்றாகப் பிசைந்து கொள்ளவும்.
• ஒரு பேசினில் கோதுமை மாவு போடவும்.
• உப்பு மற்றும் நெய் சேர்க்கவும்.
• நன்றாக கலக்கவும்.
• பிறகு, ஒரு சப்பாத்தியை சிறியதாக இட்டு, அதன் மேல் ஒரு ஸ்பூன் பூரணத்தை வைத்து
• ( கொழுக்கட்டைக்கு பூரணம் வைப்பது போல) முடிவிடவும்.
• பிறகு, அதை சப்பாத்தியாக இடவும்.
• பூரணம் வெளியே வராமல் இடுவது என்பது பழக்கத்தில் தான் வரும்.
• ஜாக்கிரதையாக எடுத்து அடுப்பில் போடவும்.
• கொஞ்சம் சிரமமான காரியம்தான் என்றாலும், ருசி நன்றாக இருக்கும்.
• இதற்கு தொட்டுக்க கொள்ள தயிர் போதும்.

Notes:

• உலகத்திலேயே மிகவும் சுவையான பரோட்டா ஒன்று உண்டு என்றால் அது இது தான் என்பது என் அபிப்பிராயம். அத்தனை நன்றாக இருக்கும் இந்த காலிஃப்ளவர் ஸ்டஃப்டு பரோட்டா ! / காலிஃப்ளவர் பரோட்டா !
• எண்ணெய்-நெய் கலவை - தோசை மற்றும் சப்பாத்தி செய்வதற்கு எப்போதுமே எண்ணெய் அரை கப் என்றால், நெய் கால் கப் என்ற விகிதத்தில் கலந்து வைத்துக் கொள்ளுங்கள். அருமையாக, மணமாக இருக்கும்.