சர்க்கரைவள்ளிக் கிழங்கு பரோட்டா

Ingredients:

• கோதுமை மாவு - 2 கப்,
• வேகவைத்து துருவிய சர்க்கரைவள்ளிக் கிழங்கு - 2 கப்
• சர்க்கரை அல்லது வெல்லம் இரண்டு டேபிள் ஸ்பூன்
• ஏலப்பொடி அரை ஸ்பூன்
• உப்பு - ஒரே ஒரு சிட்டிகை
• எண்ணெய்-நெய் கலவை - தேவையான அளவு.

Method:

• ஒரு பாத்திரத்தில் உப்பு வேகவைத்து துருவிய சர்க்கரைவள்ளிக் கிழங்கு , ஏலப்பொடி போட்டு நன்றாகப் பிசைந்து கொள்ளவும்.
• இப்பொழுது , கொஞ்சம் கொஞ்சமாக கோதுமை மாவை போட்டு கலக்கவும்.
• தண்ணீர் துளியும் விடவேண்டாம்.
• அநேகமாய் இரண்டு கப் மாவும் கலக்க வரும்.
• ஒருவேளை, எல்லா மாவும் போட்டு பின் தண்ணீர் தேவையானால் கொஞ்சமே கொஞ்சம் விட்டுக்கொள்ளுங்கள்.
• மாவு நன்கு கெட்டியாக, சப்பாத்தி மாவுபோல் இருக்க வேண்டும்.
• அப்படியே ஒரு பத்து நிமிடங்கள் மூடி வைத்திருங்கள்.
• பிறகு பிசைந்த மாவை சிறிய சப்பாத்திகளாக இட்டு , தோசைக்கல்லில் போட்டு, எண்ணெய்-நெய் கலவையை விட்டு இரண்டு பக்கங்களும் கருகாமல் எடுங்கள்.
• சுவையான, அருமையான, இனிப்பான சர்க்கரைவள்ளிக் கிழங்கு பரோட்டா தயார்.
• இதற்கு தொட்டுக்கொள்ள எதுவுமே வேண்டாம், தேவையானால் தேன் விட்டுக்கொள்ளலாம் அல்லது நெய் விட்டுக்கலாம்.

Notes:

• 1 ) இந்த சர்க்கரைவள்ளிக் கிழங்கை தனியே மசித்து வைத்துக் கொண்டு, சப்பாத்திக்குள் பூரணம் போல் வைத்து ஸ்டஃப்டு பரோட்டாவாகவும் செய்யாலாம் .
• 2 ) எண்ணெய்-நெய் கலவை - தோசை மற்றும் சப்பாத்தி செய்வதற்கு எப்போதுமே எண்ணெய் அரை கப் என்றால், நெய் கால் கப் என்ற விகிதத்தில் கலந்து வைத்துக் கொள்ளுங்கள். அருமையாக, மணமாக இருக்கும்.