மைதா பரோட்டா 2

Ingredients:

• மைதா மாவு - 2 கப்
• நெய் - ஒரு டேபிள்ஸ்பூன்
• சர்க்கரை - ஒரு டீஸ்பூன்
• சோடா உப்பு - அரை சிட்டிகை
• உப்பு - தேவையான அளவு
• எண்ணெய் - நெய் கலவை - தேவையான அளவு.

Method:

• மேலே கூறியுள்ள எல்லாவற்றையும் ஒன்றாகச் சேர்த்துப் பிசைந்து கொள்ளவும்.
• நன்கு அழுத்திப் பிசைந்து, சிறிது நேரம் வைத்திருக்கவும்.
• பிறகு அதிலிருந்து சிறிது மாவை எடுத்து, நன்கு மெல்லிய, பெரிய சப்பாத்தியாக இடவும்.
• இதே போல எல்லா மாவையும் பெரிய பெரிய சப்பாத்திகளாக இட்டுக்கொள்ளவும்.
• முதலில் ஒன்றை மேடைமேல் வைத்து, அதன் மேல் நெய்யை தாராளமாக தடவவும்.
• அடுத்த சப்பாத்தியை அதன் மேல் போடவும்.
• இதேபோல குறைந்தது ஆறு சப்பாத்திகளை ஒன்றன் மேல் ஒன்றாக அடுக்கவும்.
• பிறகு அதை மெல்ல சுருட்டவும்.
• இப்புதுசு அதை குறுக்கு வாட்டில் ஆறு துண்டுகளாக 'கட்' செய்து கொள்ளவும்.
• இப்பொழுது அதை கனமான பரோட்டாவாக இடவும்.
• தோசைக்கல்லில் மிதமான தீயில், எண்ணெய், நெய் சேர்த்து இரண்டு பக்கங்களும் நன்கு வேகும் வரை பொறுத்திருந்து எடுக்கவும்.
• வரி வரியாக, ருசியாக இருக்கும் இந்த மைதா பரோட்டா.