பச்சை பயறு இட்லி

Ingredients:

• பச்சை பயறு ஒரு கப்
• உளுத்தம் பருப்பு அரை கப்
• பிளைன் ENO Fruit சால்ட் 1 /4 ஸ்பூன் (தேவையானால் )

Method:

• பயறை எட்டு மணிநேரமும், உளுந்தை நான்கு மணிநேரமும் ஊறவைத்து , தனித்தனியே அரைக்கவும்.
• அரைத்த இரண்டையும் உப்பு போட்டு கலக்கவும்.
• அதை அப்படியே ஒரு நான்கு மணிநேரம் வைக்கவும்.
• பிறகு வழக்கம் போல இட்லி வார்க்கவும்.
• சுவையான, புரதம் நிறைந்த பயறு இட்லி தயார்.
• சர்க்கரை நோயாளிகளுக்கான இதை எல்லோரும் சாப்பிடலாம்.
• வித்தியாசமான சுவையுடன் நன்றாக இருக்கும்
• எந்த சாம்பாருடனும் சாப்பிடலாம்.

அவல் இட்லி 2

Ingredients:

• அவல் ஒரு கப்
• இட்லி ரவை ஒன்றரை கப்
• தயிர் ஒரு கப்
• தண்ணீர் ஒரு கப்
• பிளைன் ENO Fruit சால்ட் 1 /4 ஸ்பூன்

Method:

• அவலை சுத்தம் செய்து கொண்டு, மிக்சி இல் பொடித்துக் கொள்ளவும்.
• ரவை போல இருந்தாலும் சரி தான்.
• பிறகு அவல் பொடித்தது, இட்லி ரவை இரண்டையும் ஒரு பாத்திரத்தில் போட்டு நன்கு கலந்து கொள்ளவும்.
• பிறகு அதில் தயிர், உப்பு மற்றும் தண்ணீர் விட்டு கலக்கவும்.
• உப்பு சேர்க்கவும்.
• நன்கு கட்டிகள் இல்லாமல் கலக்கவும்.
• தேவைப்பட்டால் இன்னும் கொஞ்சம் தண்ணீர் சேர்த்துக் கொள்ளலாம்.
• இதை அப்படியே ஒரு பத்து நிமிடங்கள் வைத்துவிடுங்கள்.
• பிறகு எடுத்துக் பார்த்தால் அவல் ஊறிக்கொண்டு கெட்டியாகி இருக்கும்.
• எனவே, மீண்டும் கொஞ்சம் தண்ணீர் விட்டு தளர்த்திக் கொள்ளுங்கள்.
• இந்த மாவு இட்லி மாவு பதத்தில் இருக்கவேண்டும்.
• இப்போது, மாவில் ENO கலந்து உடனடியாக இட்லி தட்டில் விட்டு , இட்லி வார்க்கவும்.
• எப்பொழுதும் போல வேகவைத்து எடுக்கவும்.
• அவ்வளவுதான், கொஞ்சம் கூட உளுந்து இல்லாத, மிகவும் மெத் என்கிற வெள்ளை வெளேர் இட்லி பத்தே நிமிடங்களில் தயார்.....
• எந்த சட்னியுடனும் அல்லது சாம்பார் அல்லது தோசைமிளகாய் பொடியுடனும் நன்றாக இருக்கும்.

'புஸு புஸு' MTR 'ரவா இட்லி'

Ingredients:

• கெட்டித்தயிர் - அரை லிட்டர் ( மட்டாக தண்ணீர் விட்டு குழப்பி வைத்துக் கொள்ளவும் )
• பாம்பே ரவை -2 1 /2 கப்
• பன்சிரவை - சீரொட்டி ரவை என்றும் சொல்வார்கள் 2 1 /2 கப்
• பொடியாக நறுக்கிய கொத்துமல்லி ஒரு கப் நிறைய
• பொடித்த சர்க்கரை ஒரு டீ ஸ்பூன்
• உப்பு - தேவையான அளவு
• முழு முந்திரி ஒரு கைப்பிடியளவு - இரண்டாக பிளந்து வைத்துக் கொள்ளவும்
• எண்ணெய் கால் கப்
• ENO FRUIT SALT PLAIN 1 1 /2 டேபிள் ஸ்பூன்
• தாளிக்க :
• கடுகு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• பொடியாக நறுக்கிய பச்சை மிளகாய் ஒரு டேபிள் ஸ்பூன்
• பொடியாக துருவிய இஞ்சி ஒரு டேபிள் ஸ்பூன்

Method:

• ஒரு பெரிய பாத்திரத்தில் இரண்டு ரவைகளை போட்டு நன்கு கலக்கி வைத்துக் கொள்ளவும்.
• வாணலி இல் எண்ணெய் வைத்து முதலில் முந்திரியை வறுத்து தனியே எடுத்து வைத்துக் கொள்ளவும்.
• பிறகு, தாளிக்க தந்துள்ள பொருட்களை தாளித்து, கலந்து வைத்துள்ள ரவை கலவை மீது இதைக் கொட்டவும்.
• நன்கு கலக்கவும்.
• உப்பு மற்றும் பொடித்த சர்க்கரை சேர்த்து மீண்டும் நன்கு கலக்கவும்.
• இப்போது கொஞ்சம் கொஞ்சமாக தயிர் மற்றும் தண்ணீர் விட்டு கலக்கவும்.
• ஒவ்வொரு முறை விடும்போதும், இட்லி மாவை நன்கு கலக்க வேண்டும்.
• தேவையானால் மீண்டும் கொஞ்சம் தயிர் மீண்டும் கொஞ்சம் தண்ணீர் என்று விட்டு கலக்கவும்.
• இப்போது பொடியாக நறுக்கிய கொத்துமல்லி யை போட்டு நன்கு கலக்கவும்.
• மாவு இட்லி மாவு பதத்தில் இருக்கணும்.
• இந்த ஸ்டெப் தான் மிக முக்கியம்....
• ENO FRUIT SALT ஐ கொடுத்துள்ள அளவின் படி, மாவில் போட்டு நன்கு கலக்கவும்.
• இதை செய்ததும், உடனடியாக இட்லி தட்டுகளில் மாவை விட்டு விடவேண்டும். ஊற வைக்க வேண்டாம்.
• பிறகு எண்ணெய் தடவிய இட்லி தட்டுகளில் முதலில் ஒரு முந்திரி யை நடுவில் வைக்கவும்.
• அதன்மேல் மாவை விட்டு இட்லி பானை இல் வைக்கவும்.
• பத்து முதல் பன்னிரண்டு நிமிடங்கள் வரை வேகவைக்கவும்.
• இட்லி பானையை திறந்து, இட்லி தட்டுகளை எடுத்து ஒரு ஐந்து நிமிடங்கள் அப்படியே வைக்கவும்.
• நாம் வைத்த மாவைவிட இரண்டு மடங்காக இருக்கும் இந்த இட்லி.
• பார்க்கவே 'புஸு புஸு ' என்று மிக அழகாக இருக்கும்.
• நன்கு ஆறினதும், இட்லிகளை மெதுவாக ஸ்பூன் மூலம் எடுக்கவும்.
• மெத் மெத் என்கிற , MTR போலவே சுவையான 'ரவா இட்லி' தயார் .
• தொட்டுக்கொள்ள எதுவுமே வேண்டாம், ஆனால் உங்களுக்கு தேவையானால் , தோசை மிளகாய் பொடி அல்லது எந்த சட்னியுடனும் பரிமாறலாம் .

சான்ட்விச் இட்லி

Ingredients:

• இட்லி மாவு
• காரட் துருவல் கொஞ்சம் 
• பச்சை மிளகாய் தேவையானால்

Method:

• இட்லி வார்க்கும் போது எண்ணெய் தடவிய தட்டில் முதலில் அரை கரண்டி மாவை இட்லி தட்டில் விடுங்கோ.
• பிறகு துருவி வைத்துள்ள காரட்டை அதில் வைக்கவும்.
• அதன் மேல் மீண்டும் இட்லி மாவை விடவும் .
• இதே போல மற்ற தட்டுகளிலும் விடவும்.
• இட்லி வெந்ததும் கட் செய்து பார்த்தல் இட்லி நடுவிலே சிகப்பாக காரட் தெரியும்.
• குழந்தைகளுக்கு பார்க்கவே பிடிக்கும் இந்த சான்ட்விச் இட்லி, சாப்பிடவும் பிடிக்கும்.
• கறிகாயும் சேரும் உடலுக்கும் நல்லது. 
• சாஸுடன் பரிமாறலாம்.

Notes:

• இது போல உங்களுக்கு பிடித்தமான காயை உள்ளே வைத்து இந்த சான்ட்விச் இட்லி தயாரிக்கலாம் .

முருங்கைக் கீரை இட்லி

Ingredients:

• இட்லி மாவு - 2 கப்
• இளம் முருங்கைக் கீரை - ஒரு கப்
• பச்சை மிளகாய் விழுது - 2 டீஸ்பூன்
• உப்பு - தேவையான அளவு

Method:

• இட்லி மாவுடன் கீரை, பச்சை மிளகாய் விழுது, உப்பு சேர்த்து நன்கு கலக்கி இட்லி தட்டுகளில் எண்ணெய் தடவி இட்லி வார்க்க வேண்டியது தான். 
• கீரை, துளிராக இருக்க வேண்டியது முக்கியம் அவ்வளவுதான் .

இட்லி மசாலா பிரை

Ingredients:

• 10 இட்லி
• 2 - 3 பெரிய வெங்காயம்
• 2 - 3 தக்காளி
• பச்சை மிளகாய் - தேவையான அளவு
• உப்பு
• எண்ணெய் - வதக்க
• மஞ்சள் பொடி
• 1 ஸ்பூன் கடுகு
• 1 ஸ்பூன் சீரகம்

Method:

• இட்லிகளை வெட்டி வைத்துகொள்ளவும். 
• வெங்காயம் தக்காளி இரண்டையும் நறுக்கி வைக்கவும்.
• வாணலி இல் எண்ணெய் விட்டு கடுகு சீரகம் தாளிக்கவும்.
• பச்சை மிளகாய் போடவும்.
• நன்கு வதக்கவும் .
• பிறகு நறுக்கி வைத்துள்ள வெங்காயம் தக்காளி போட்டு வதக்கவும்.
• உப்பு போடவும்.
• மற்றொரு வாணலியில் எண்ணெய் விட்டு இட்லி துண்டங்களை நன்கு பொரிக்கவும். (deep fry )
• வெங்காயம் தக்காளி கலவையில் போடவும்.
• கிளறி உடனே இறக்கவும்.
• சுவையான மாலை டிபன் ரெடி.

இட்லி பிரை (Idly fry)

Ingredients:

• 10 இட்லி 
• உப்பு
• எண்ணெய் - வதக்க
• 1 ஸ்பூன் கடுகு
• 1 ஸ்பூன் உளுந்து
• 2 - 4 ஸ்பூன் தோச மிளகாய் பொடி அல்லது சாதா மிளகாய் பொடி

Method:

• இட்லிகளை வெட்டி வைத்துகொள்ளவும்.
• வாணலியில் எண்ணெய் விட்டு இட்லி துண்டங்களை நன்கு பொரிக்கவும். (deep fry )
• ஒரு பேசினில் போடவும்.
• வாணலி இல் எண்ணெய் விட்டு கடுகு உளுந்து தாளிக்கவும்.
• வறுத்த இட்லி துண்டுகளின் மீது கொட்டவும்.
• உப்பு மிளகாய் பொடி போட்டு நன்கு குலுக்கவும்.
• சுவையான மாலை டிபன் ரெடி.

Notes:

• இதில் மேலும் மசாலா வேண்டுபவர்கள், பூண்டு போடலாம்.
• மேலும் காய்கறி வேண்டுவோர் , பீன்ஸ் , காரட், உருளை, குடை மிளகாய் போன்ற காய்களை மெலிதாக அரிந்து, வதக்கி சேர்க்கலாம்.

சோள ரவை இட்லி - பன்சி ரவை இட்லி

Ingredients:

• மோர் - 1 கப் 
• 'பன்சி' ரவை – சோள ரவை -1 கப்
• உப்பு - தேவையான அளவு
• கறிவேப்பிலை கொஞ்சம்
• உப்பு
• தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன் தேவையானால்

Method:

• ஒரு பாத்திரத்தில் மோர் விட்டு அதில் சோள ரவையை போடவும்.
• ஒரு 15 நிமிஷம் அது ஊறட்டும்.
• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து ஊர வைத்த ரவையுடன் போடவும்.
• உப்பு மற்றும் கறிவேப்பிலை எல்லாம் போட்டு கலக்கவும் .
• மாவு இட்லி மாவு பதத்தில் இருக்கணும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான சோள ரவை இட்லி தயார் .
• இதை எந்த சட்னியுடனும் பரிமாறலாம்.

ரவை இட்லி ரவா இட்லி

Ingredients:

• மோர் - 1 கப் 
• பாம்பே ரவை -1 கப் 
• உப்பு - தேவையான அளவு
• கறிவேப்பிலை கொஞ்சம்
• காரட் துருவினது தேவையானால் 
• உப்பு, தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன் தேவையானால் 
• மஞ்சள் பொடி 1/2 டீ ஸ்பூன்

Method:

• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து, அதனுடன் ரவையும் போட்டு வறுக்கவும்.
• உப்பு, காரட் மற்றும் கறிவேப்பிலை எல்லாம் போட்டு கலக்கவும் .
• ஒரு 15 நிமிஷம் அது ஊறட்டும்.
• மாவு இட்லி மாவு பதத்தில் இருக்கணும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான ரவை இட்லி தயார். 
• தோசை மிளகாய் பொடி அல்லது எந்த சட்னியுடனும் பரிமாறலாம்.

ஓட்ஸ் - கோதுமை ரவை இட்லி

Ingredients:

• மோர் - அரை கப் 
• ஓட்ஸ் - 1 கப் 
• கோதுமை ரவை - டாலியா -1/2 கப் 
• உப்பு - தேவையான அளவு
• கொத்துமல்லி நறுக்கியது 1 டேபிள் ஸ்பூன்
• கறிவேப்பிலை கொஞ்சம்
• உப்பு
• தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• மஞ்சள் பொடி 1/2 டீ ஸ்பூன்
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன்

Method:

• வாணலி இல் முதலில் ஓட்ஸ் ஐ கொஞ்சம் சிவப்பாக வறுக்கவும்.
• கொஞ்சம் ஆறினதும் மிக்சி இல் போட்டு பொடிக்கவும்.
• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து, அதனுடன் கோதுமை ரவையும் போட்டு வறுக்கவும்.
• ஒரு பாத்திரத்தில் மோர் விட்டு அதில் இதை போடவும்.
• பொடித்து வைத்துள்ள ஓட்ஸ் ஐயும் இதில் போடவும். 
• உப்பு, கொத்துமல்லி மற்றும் கறிவேப்பிலை எல்லாம் போட்டு கலக்கவும் .
• மாவு இட்லி மாவு பதத்தில் இருக்கணும்.
• ஒரு 15 நிமிஷம் அது ஊறட்டும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான ஓட்ஸ் - கோதுமை ரவை இட்லி தயார் .

Notes:

• கண்டிப்பாக ஓட்ஸ் ஐ வறுக்கணும். இல்லாவிட்டால் கொழ கொழப்பாக இருக்கும்.

கோதுமை ரவை இட்லி

Ingredients:

• மோர் - 1 கப் 
• கோதுமை ரவை - டாலியா -1 கப் 
• உப்பு - தேவையான அளவு
• கறிவேப்பிலை கொஞ்சம்
• உப்பு ,தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன் தேவையானால்

Method:

• ஒரு பாத்திரத்தில் மோர் விட்டு அதில் கோதுமை ரவையை போடவும்.
• ஒரு 15 நிமிஷம் அது ஊறட்டும்.
• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து ஊர வைத்த ரவையுடன் போடவும். 
• உப்பு மற்றும் கறிவேப்பிலை எல்லாம் போட்டு கலக்கவும் .
• மாவு இட்லி மாவு பதத்தில் இருக்கணும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான கோதுமை ரவை இட்லி தயார் . 
• சர்க்கரை நோயாளுகளுக்கான நல்ல உணவு இது நாமும் சாப்பிடலாம், வித்தியாசமாக இருக்கும், எந்த சட்னியுடனும் பரிமாறலாம்.

ஓட்ஸ் இட்லி

Ingredients:

• மோர் - அரை கப் 
• ஓட்ஸ் - 1 கப் 
• பாம்பே ரவை - 1/2 கப் 
• உப்பு - தேவையான அளவு
• கொத்துமல்லி நறுக்கியது 1 டேபிள் ஸ்பூன்
• கறிவேப்பிலை கொஞ்சம்
• உப்பு
• தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன்
• பெருங்காயப்பொடி 1/4 டீ ஸ்பூன்
• மஞ்சள் பொடி 1/2 டீ ஸ்பூன்
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன்

Method:

• வாணலி இல் முதலில் ஓட்ஸ் ஐ கொஞ்சம் சிவப்பாக வறுக்கவும்.
• கொஞ்சம் ஆறினதும் மிக்சி இல் போட்டு பொடிக்கவும்.
• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து, அதனுடன் ரவையும் போட்டு வறுக்கவும்.
• ஒரு பாத்திரத்தில் மோர் விட்டு அதில் இதை போடவும்.
• பொடித்து வைத்துள்ள ஓட்ஸ் ஐயும் இதில் போடவும். 
• உப்பு, கொத்துமல்லி மற்றும் கறிவேப்பிலை எல்லாம் போட்டு கலக்கவும் .
• மாவு இட்லி மாவு பதத்தில் இருக்கணும்.
• ஒரு 15 நிமிஷம் அது ஊறட்டும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான ஓட்ஸ் இட்லி தயார்.

Notes:

• கண்டிப்பாக ஓட்ஸ் ஐ வறுக்கணும். இல்லாவிட்டால் கொழ கொழப்பாக இருக்கும்.

கொள்ளு இட்லி

Ingredients:

• கொள்ளு - 1 கப் 
• அரிசி - 3 கப் 
• உப்பு - தேவையான அளவு

Method:

• முதலில் கொள்ளு மற்றும் அரிசியை தனித்தனியாக அலசி ஒரு பாத்திரத்தில் போட்டு, தண்ணீர் ஊற்றி, 5 மணிநேரம் ஊற வைக்க வேண்டும். 
• அப்புறம் அதனை கிரைண்டரில் அல்லது மிக்சி இல் போட்டு மென்மையாக அரைத்துக் கொள்ள வேண்டும். 
• அரைத்த மாவை உப்பு சேர்த்து கரைத்து , குறைந்தது 8 மணிநேரம் புளிக்க வைக்க வேண்டும். 
• பிறகு அதனை இட்லிகளாக வார்க்கவேண்டியது தான்.
• ஆரோக்கியமான கொள்ளு இட்லி ரெடி.
• இதனை வெங்காயம் தக்காளி சட்னியுடன் சேர்த்து சாப்பிட்டால் ரொம்ப சூப்பராக இருக்கும்.

Notes:

• கேழ்வரகு இட்லி போலவே இந்த கொள்ளிலும் இட்லி செய்யலாம். இதோ அதன் ரெசிபி.

கேழ்வரகு உளுந்து அவல் இட்லி

Ingredients:

• கேழ்வரகு மாவு - 4 கப்
• உளுந்து - 1 கப்
• மெல்லிசு அவல் - 2 - 2 1/2 கப்
• ( கெட்டி அவல் என்றால் 1 - 1/2 கப் போறும்)

Method:

• அவல் மற்றும் உளுத்தம்  பருப்பை நன்கு களைந்து தனித்தனியாக 2 - 3 மணிநேரம் ஊர வைக்கவும்.
• பிறகு  கேழ்வரகு மாவை உப்பு போட்டு கரைத்து வைக்கவும். 
• தண்ணீர் மட்டா  விடவும்.
• ஊறிய பிறகு முதலில் உளுந்தை அரைத்து பிறகு அதிலேயே ஊறிய அவலையும் போடவும். 
• அது நன்கு அரைபட்டதும், கரைத்து வைத்துள்ள கேழ்வரகு மாவையும் கொட்டி ஒரு சுற்று சுற்றி , பாத்திரத்தில் எடுத்து வைக்கவும். 
• ஒரு 8 மணி நேரம் கழித்து இட்லி வார்க்கலாம்.
• அருமையான கேழ்வரகு இட்லி தயார்.

அவல் இட்லி

Ingredients:

• கெட்டி அவல் 2 கப்
• மோர் அல்லது தண்ணீர் கொஞ்சம் 
• கொத்துமல்லி நறுக்கியது 1 டேபிள் ஸ்பூன் 
• கறிவேப்பிலை கொஞ்சம் 
• உப்பு
• தாளிக்க எண்ணெய்
• தாளிக்க :
• கடுகு 1 டீ ஸ்பூன்
• கடலை பருப்பு 1 டீ ஸ்பூன்
• உளுத்தம் பருப்பு 1 டீ ஸ்பூன் 
• பெருங்காயப்பொடி 1/4 டீ ஸ்பூன்
• மஞ்சள் பொடி 1/2 டீ ஸ்பூன் 
• பச்சைமிளகாய் பொடியாக நறுக்கினது 1 டீ ஸ்பூன்
• இஞ்சி துருவியது 1 டீ ஸ்பூன்

Method:

• அவலை 2 -3 முறை நன்கு களைந்து பிழிந்து மோரில் ஊற வைக்கவும். 
• வாணலி இல் எண்ணெய் வைத்து தாளிக்க தந்துள்ள பொருட்களை தாளித்து ஊறிய அவல் மீது கொட்டவும்.
• உப்பு, கொத்துமல்லி மற்றும் கறிவேப்பிலை எல்லாம் போட்டு கலக்கவும் .
• மாவு இட்லி மாவு பதத்தில் இருக்கணும்.
• அவ்வளவு தான் எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான அவல் இட்லி ரெடி.

வெந்தய இட்லி

Ingredients:

• இட்லி அரிசி -- 3 ஆழாக்கு (நான் இன்று பச்சரிசி  இல் தான் செய்தேன் )
• வெந்தயம் -- - 3 டேபிள் ஸ்பூன்  (1 Table spoon = 15 grams)

Method:

• வெந்தயத்தை  தனியாக 4 மணி நேரம் தண்ணீரில் ஊறவைக்கவும். 
• இட்லி அரிசியை 2 மணி நேரம் ஊறவைத்தாலும் போறும். 
• முதலில் கிரைண்டரில் வெந்தயத்தை போட்டு அரைக்கவும்.
• 3 டேபிள் ஸ்பூன் வெந்தயத்திற்கு 3 டம்ளர் தண்ணீர் தேவையாக இருக்கும்.
• கொஞ்சம் கொஞ்சமாக  தண்ணீர் சேர்த்துக்கொண்டே அரைக்கும்போது நன்கு நுரைக்கும். 
• உளுந்தை போல பார்ப்பதற்கு நுரைத்து வரும்; நம்ப முடியாத அளவிற்கு புஸு புஸு என்று வரும்.
• அதை ஒரு பாத்திரத்தில் எடுத்து வைக்கவும். 
• பிறகு அரிசியை   கொஞ்சம் நற நற வென அரைக்கவும். 
• இரண்டையும் ஒன்றாக உப்பு சேர்த்து கலந்து மூடி வைக்கவும். 
• மறு நாள் காலை நன்கு  பொங்கி வந்திருக்கும். 
• எப்போதும்போல் இட்லி தட்டில் நனைத்த துணி அல்லது எண்ணை தடவி மாவை விட்டு, குக்கரில் ஆவியில் 7/10 நிமிடம் வரை வேகவைத்து எடுக்கவும். 
• ஆறிய பிறகும் மெத்தென்றுதான் இருக்கும்.
• அரைக்கும் பக்குவம் மிகவும் முக்கியம்.
• மறு நாள்காலை தண்ணீர் ஊற்றக்கூடாது; முதல் நாளே பக்குவமாக கரைத்து வைக்க வேண்டும்.
• அவ்வளவுதான் சூப்பர் வெந்தய இட்லி ரெடி. 
• இந்த இட்லி ரொம்ப வெள்ளையாக இருக்காது, கொஞ்சம் கிரீம் கலரில் இருக்கும்.
• வெந்தயம் என்பதால் அப்படி இருக்கும்.
• இன்று காலை நான் செய்தேன், இரவு வரை மெத் என்று இருந்தது.

Notes:

• உளுந்தே சேர்க்காமல் செய்யும் இந்த இட்லி மெத்தென்றும் இருக்கும்.
• வெந்தயம் சேர்த்ததே தெரியாத அளவிற்கு இருக்கும்.
• மிக ருசியானது.ஆரோக்கியத்திற்கு மிக உகந்தது.
• வாரம் ஒரு முறை வெந்தய இட்லி செய்வதை பழக்கப்படுத்திக்கொள்ளுங்கள்.

பார்லி கோதுமை ரவை இட்லி

Ingredients:

• பார்லி 2 கப்
• கோதுமை ரவை 1 கப்
• மிளகாய் வற்றல் 4 -5 
• உப்பு

Method:

• பார்லியை நன்கு களைந்து ஒரு 4 மணிநேரம் ஊர வைக்கவும்.
• கோதுமை ரவையை 1/2 மணி ஊர வைக்கவும்.
• பிறகு இரண்டையும் மிளகா உப்பு போட்டு மைய அரைக்கவும்.
• மீண்டும் ஒரு அரைமணி அப்படியே வைத்திருந்து விட்டு பிறகு இட்லி வார்க்கவும்.
• ஹெல்தியான இட்லி இது.

Notes:

• வேணுமானால் தண்ணிருக்கு பதில் தயிர் உபயோகிக்கலாம். இந்த மாவில் தோசையும் வார்க்கலாம்.

கோதுமை இட்லி

Ingredients:

• கோதுமை மாவு 2 கப்
• உளுத்தம் பருப்பு 3/4 கப்
• உப்பு

Method:

• கோதுமை மாவை கட்டிகள் இல்லாமல் தண்ணிரில் கரைத்து வைக்கவும்.
• உளுந்தை நன்கு களைந்து 1 மணிநேரம் ஊறவைக்கவும்.
• பிறகு நன்கு அரைக்கவும், கடைசி இல் கோதுமை மாவையும் சேர்த்து போட்டு ஒரு சுற்று சுற்றி எடுக்கவும்.
• உப்பு போட்டு கரைத்து வைக்கவும்.
• மறுநாள் எப்பவும் போல இட்லி வார்க்கவும்.
• நல்லா மெத் என்று வரும் இந்த இட்லி.
• சர்க்கரை வியாதி உள்ளவர்களுக்கு வரப்பிரசாதம் , பூண்டு துவையல் அல்லது காரமான வெங்காய சட்னி யுடன் ரொம்ப நல்லா இருக்கும்.

கேழ்வரகு இட்லி - 2

Ingredients:

• கேழ்வரகு மாவு - 2 கப் - கடை இல் வாங்கிய மாவு
• உளுத்தம் பருப்பு - 3/4 கப் 
• உப்பு - 1 தே.கரண்டி

Method:

• உளுத்தம் பருப்பினை குறைந்தது 1 மணி நேரமாவது ஊறவைக்கவும். 
• ஊறவைத்த உளுத்தம் பருப்பினை, இட்லிக்கு அரைப்பது போல மைய அரைத்து கொள்ளவும். 
• கேழ்வரகு மாவுடன் சிறிது தண்ணீர் சேர்த்து கெட்டியாக, கட்டி இல்லாமல் கரைத்து கொள்ளவும்.
• கரைத்து வைத்த கேழ்வரகு மாவுடன் உப்பு + அரைத்த உளுத்தம் மாவினை சேர்த்து நன்றாக இட்லி மாவு பதத்திற்கு கலக்கவும்.
• ( மிகவும் தண்ணீயாக கரைத்துவிட வேண்டாம்.) இதனை குறைந்தது 6 - 8 மணி நேரம் வைத்து புளிக்கவிடவும். 
• இந்த மாவு புளிக்க , அரிசி மாவினை விட கொஞ்சம் நேரம் எடுக்கும்.
• புளித்த இட்லி மாவினை, இட்லி தட்டில் விட்டு, அரிசி இட்லியை போலவே ஆவி இல் வேகவைக்கவும்.
• இப்போது சுவையான சத்தான கேழ்வரகு இட்லி ரெடி.

Notes:

• கேழ்வரகில் அதிக அளவு நார்சத்து(Dietary Fiber), புரோட்டின்(Protein) காணப்படுகின்றது.
• டயபெட்டிக், வயதனாவர்களுக்கு ஏற்ற உணவு.

காஞ்சிபுரம் இட்லி

Ingredients:

• அரிசி 1 கப்
• உளுத்தம் பருப்பு 3/4 கப் ( சமயத்தில் அரிசிக்கு சமமாகவும் உளுந்து போடுவோம் )
• மிளகு 1 டீ ஸ்பூன்  உடைக்கவும் 
• சீரகம் 1 டீ ஸ்பூன்  உடைக்கவும் 
• சுக்கு பொடி 1/2 டீ ஸ்பூன் 
• பெருங்காயப்பொடி 1/4 டீ ஸ்பூன் 
• நெய் 
• உப்பு 
• கறிவேப்பிலை

Method:

• அரிசி  உளுந்து இரண்டையும் ஒன்றாகவே நனைத்து ஒன்றாகவே அரைக்கணும்.
• ஒரு  மணி ஊறினால் போறும்.
• கொஞ்சம் கர கர பாக அரைக்கணும் .
• இந்த இட்லிக்கு அரைப்பது தான் ரொம்ப முக்கியம்.
• உப்பு போட்ட கரைத்து அப்படியே ஒரு 12 மணிநேரம் வைக்கணும். 
• மறுநாள் காலை, நெய்யை உருக்கி மாவில் விட்டு நன்கு கலக்கவும்.
• மேலும் அதில் உடைத்த மிளகு, சீரகம், சுக்கு பொடி, பெருங்காயப்பொடி மட்டும் கறிவேப்பிலை போட்டு நன்கு கலக்கவும்.
• மாவு இட்லி மாவு பதத்தில் இருக்கணும்.
• பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
• சுவையான காஞ்சிபுரம் இட்லி தயார் . 
• தொட்டுக்கொள்ள ஏதும் வேண்டாம் வெறுமனவே சாப்பிடலாம் நல்லா இருக்கும்.
• வேண்டுமானால் தோசைமிளகாய் பொடி நல்லா இருக்கும்.
• இட்லி மேல நல்லெண்ணெய் விட்டு கொண்டும் சாப்பிடலாம்.

Notes:

• அதாவது  குடலை  இட்லி  - இது காஞ்சிபுரம் கோவிலில் செய்வது; ரொம்ப நல்லா இருக்கும். ஒரு முறை முயன்று பாருங்கள்.
• சாதாரணமாக இந்த குடலை இட்லி என்பதை இலைகளில் தான் செய்வா நாங்கள்  வீடுகளில் செய்யும் போது சின்ன சின்ன கிண்ணிகள் அல்லது தம்ளர்களில்
• செய்வோம்.
• இப்போவெல்லாம்   இட்லி தட்டிலே செய்கிறோம். ஏன் என்றால், அப்படி வைக்கும் போது வேக ரொம்ப நாழி ஆகிறது  நீங்க வேண்டுமானால் குட்டி குட்டி
• கிண்ணிகளில்  எண்ணெய் தடவிவிட்டு மாவை விட்டு இட்லி பண்ணலாம்.