கோங்கூரா துவையல்

Ingredients:

• கோங்கூரா (புளிச்ச கீரை) - 1 கட்டு
• பெரிய வெங்காயம் - 1
• மிளகாய் வற்றல் - 6
• புளி பேஸ்ட் 1 டீ ஸ்பூன்
• நல்லெண்ணெய் - 1 டீஸ்பூன்
• உப்பு - தேவையான அளவு
• பூண்டு - 6 பல்
• உளுத்தம்பருப்பு - 2 டேபிள் ஸ்பூன்

Method:

• கோங்கூராவை மண் போக அலசி நறுக்கிக் கொள்ளவும்.
• வாணலியில் எண்ணெய் விட்டு பூண்டு, உளுத்தம்பருப்பு, வெங்காயம், மிளகாய் வற்றல் போட்டு வறுத்து எடுத்துக் கொள்ளவும்.
• கோங்கூராவை வதக்கவும்.
• எல்லாவற்றையும் உப்பு, புளி சேர்த்து அரைக்கவும்.
• கோங்கூரா துவையல் ரெடி.
• இதை நெய் விட்டு பிசைந்து சாப்பிடணும், ரொம்ப சூடு பண்ணும் உடம்புக்கு

எள் துவையல்

Ingredients:

• வெள்ளை எள்ளு – 1 கப்
• தேங்காய் துருவல் – அரை கப்
• மிளகாய் வற்றல் – 6 - 8
• புளி பேஸ்ட் 1 டீ ஸ்பூன்
• உப்பு – தேவையான அளவு
• எண்ணெய் – 1 டீ ஸ்பூன்

Method:

• வாணலி இல் எண்ணெய் இல்லாமல் எள் 'பட பட' வென வெடிக்கும் வரை வறுத்துக்கொள்ளவும்.
• பிறகு தேங்காய் ஈரம் போக வறுத்துக்கொள்ளவும்.
• பிறகு சிறிது எண்ணெய் விட்டு மிளகாயை வறுக்கவும்.
• வறுத்தப் பொருட்கள் ஆறிய பிறகு மிக்சியில் போட்டு புளி பேஸ்ட் மற்றும் உப்பு சேர்த்து அரைத்து கொள்ளவும்.
• அவ்வளவு தான் மணமான எள் துவையல் தயார்.

அரு நெல்லிக்காய் துவையல்

Ingredients:

• அரு நெல்லிக்காய் - 1 கப் கொட்டைகளை எடுத்துவிடவும்.
• மிளகாய் வற்றல் 7 - 8
• அல்லது பச்சை மிளகாய் 3 - 4
• பெருங்காய பொடி - கால் டீஸ்பூன்
• உப்பு - தேவையான அளவு
• எண்ணை தாளிக்க
• கடுகு 1/2 ஸ்பூன்

Method:

• வாணலி இல் என்னைவிட்டு, கடுகு மிளகாய் வற்றல் தாளிக்கவும்.
• தாளித்த மிளகாயை மட்டும் எடுத்துக்கொண்டு அத்துடன், பெருங்காய பொடி, உப்பு என எல்லாவற்றையும் போட்டு மிக்ஸியில் அரைத்து, கடைசியாக நெல்லிக்காய் சேர்த்து ஒரு சுற்றுசுற்றி எடுத்தால் அருமையான அரு நெல்லிக்காய் துவையல் ரெடி.
• வாணலி இல் உள்ள கடுகை இத்துடன் சேர்த்து கலக்கவும்.
• செய்வதும் சுலபம் ருசியும் அபாரம்
• இப்போ அரு நெல்லிக்காய் சீசன் இதை செய்து பாருங்களேன் !

நெல்லிக்காய் துவையல்

Ingredients:

• முழு நெல்லிக்காய் - ஐந்து - கொட்டைகளை எடுத்துவிடவும்.
• மிளகாய் வற்றல் 2 - 4
• அல்லது பச்சை மிளகாய் 3 - 4
• பெருங்காயபொடி - கால் டீஸ்பூன்
• தேங்காய் துருவல், எலுமிச்சைச் சாறு - தலா ஒரு டீஸ்பூன்
• உப்பு - தேவையான அளவு

Method:

• மிளகாய் வற்றல் அல்லது பச்சை மிளகாய், பெருங்காய பொடி, தேங்காய் துருவல், எலுமிச்சைச் சாறுஎல்லாவற்றையும் உப்பு போட்டு மிக்ஸியில் அரைத்து, கடைசியாக நெல்லிக்காய் சேர்த்து ஒரு சுற்றுசுற்றி எடுத்தால் அருமையான நெல்லிக்காய் துவையல் ரெடி.
• செய்வதும் சுலபம் ருசியும் அபாரம்

கமலா ஆரஞ்சுத் தோல் துவையல்

Ingredients:

• கமலா ஆரஞ்சு தோல் - கைப்பிடி அளவு
• இஞ்சி - சிறிய துண்டு
• மிளகாய் வற்றல் - 2 - 3
• உளுத்தம்-பருப்பு - 2 டீஸ்பூன்
• எண்ணெய், உப்பு - தேவையான அளவு.

Method:

• முதலில் ஆரஞ்சுப்பழத் தோலை பொடியாக நறுக்கவும்.
• பிறகு வாணலி இல் எண்ணெய் விட்டு அதை நன்கு வதக்கவும்.
• இஞ்சியை தோல் சீவி துருவவும்.
• பின்பு வாணலி இல் எண்ணெய் விட்டு மிளகாய், உளுத்தம்-பருப்பை வறுக்கவும்.
• பிறகு, வதக்கிய ஆரஞ்சுத் தோல், இஞ்சி, மிளகாய், உளுத்தம்பருப்புடன் உப்பு சேர்த்து மிக்ஸியில் தண்ணீர் விடாமல் கெட்டியாக அரைக்கவும்.
• அவ்வளவுதான் சுவையான கமலா ஆரஞ்சுத் தோல் துவையல் ரெடி

Notes:

• வேண்டுமானால் இஞ்சியைக்கூட ஒரு வதக்கு வதக்கலாம் ஜுர வாய்க்கு இது நல்லா இருக்கும்