இஞ்சி தொக்கு

Ingredients:

• இஞ்சி கால் கிலோ
• புளி எலுமிச்சை அளவு அல்லது 2 டேபிள் ஸ்பூன் புளி பேஸ்ட்
• பூண்டு 100 கிராம்
• மிளகாய் பொடி 4 ஸ்பூன்
• வறுத்து அரைத்த வெந்தய பொடி 1 ஸ்பூன்
• வெல்லம் கொஞ்சம்
• உப்பு
• எண்ணெய் கொஞ்சம்
• கடுகு 1 ஸ்பூன்
• பெருங்காய பொடி
• மஞ்சள் பொடி

Method:

• முதலில் இஞ்சியை நன்கு மண்போக அலம்பி , தோல் சீவி துண்டங்கள் போடவும்.
• பூண்டை உரித்து வைத்துக் கொள்ளவும்.
• புளி பேஸ்ட் இல்லை என்றால் , புளியை தண்ணீரில் ஊற வைக்கவும்.
• மிக்சி இல் பூண்டு, புளி பேஸ்ட் மற்றும் இஞ்சியை மையாக அரைத்துக் கொள்ளவும்.
• புளி பேஸ்ட் இல்லாவிட்டால், புளியை கெட்டியாக கரைத்து விட்டு அரைத்துக் கொள்ளவும்.
• வாணலி இல் எண்ணெய்விட்டு, கடுகு கறிவேப்பிலை தாளித்துக் கொள்ளவும்.
• அரைத்த விழுதை இதில் கொட்டவும்.
• நன்கு கிளறவும்.
• பிறகு அதில், மஞ்சள் பொடி, பெருங்காய பொடி, மிளகாய் பொடி, வெந்தய பொடி என எல்லாவற்றையும் ஒவ்வொன்றாக போடவும்.
• உப்பும் போட்டு நன்கு கிளறிவிடவும்.
• நன்கு கொதித்து லேகியப்பதம் வரும்போது , எண்ணெய் பிரியும்.
• அதுவரை, அவ்வப்போது கிளறியபடி இருக்கவும்.
• எண்ணெய் பிரிந்து வரும்போது வெல்லம் போட்டு நன்கு கிளறி, மீண்டும் எண்ணெய் பிரிய ஆரம்பிக்கும்போது அடுப்பை அணைத்து விடவும்.
• நன்கு ஆறினதும் பாட்டில் களில் எடுத்து வைத்துக் கொள்ளவும்.
• மிகவும் ருசியான 'இஞ்சி தொக்கு' தயார்.
• இது உடலுக்கு மிகவும் நல்லது, வயிற்று உபாதைகளுக்கும் நல்லது.
• தயிர் சாதம், சப்பாத்தி , தோசை என எதனுடனும் சாப்பிடலாம்.
• சூடு சாதத்தில் நல்லெண்ணெய் விட்டு தொக்கு சாதமும் சாப்பிடலாம்....அருமையாக இருக்கும்.
• பிரிட்ஜ் இல் வைத்துக்கொண்டால் ஒருவருடம் கூட வைத்துக் கொள்ளலாம்.

Notes:

• இதை சிலசமயம் ரசம் செய்யும்போது ஒரு ஸ்பூன் கலந்தால் மிகவும் ருசியாக இருக்கும். அதே போல பிரட் இல் தடவி சாப்பிடலாம். மேலும், தொக்கு செய்யும்போது வறுத்து பொடித்த மிளகாய் பொடியை யும் போட்டால் , தொக்கின் நிறமும் மணமும் மிகநன்றாக இருக்கும்.