Krishnaamma's Kitchen: வெஜிடபிள் பிரியாணி

Thursday, October 8, 2020

வெஜிடபிள் பிரியாணி

Ingredients:

ஒருபத்து பீன்ஸ்
ரெண்டு காரட்
ஒரு கை உரித்த பச்சை பட்டாணி
ரெண்டு வெங்காயம்
நான்கு பச்சை மிளகாய்
பத்து பல் பூண்டு
ஒரு டேபிள் ஸ்பூன் துருவிய இஞ்சி
நான்கு டீஸ்பூன் நெய்
இரண்டு டீஸ்பூன் எண்ணெய்
உப்பு
பிரிஞ்சி இலை ஒன்று
பாசுமதி அரசி ரெண்டு கப்
ஒரு டீ ஸ்பூன் எலுமிச்சை சாறு
குங்குமப் பூ பத்து பன்னிரண்டு இழைகள்
பிரியாணி மசாலா பொடி அரைக்க :
தனியா 2 டேபிள் ஸ்பூன்
பிரிஞ்சி இலை 2
மிளகாய் வற்றல் 4
பட்டை 2
கிராம்பு 1 டீ ஸ்பூன்
சீரகம் 1 டீ ஸ்பூன்
ஜாதி பத்திரி 2 பூ
ஜாதிக்காய் சின்னது ஒன்று
பெரிய ஏலக்காய் இரண்டு மூன்று
அன்னாசிப்பூ 7 - 8
ஏலக்காய் 10 - 12
மிளகு 2 டீ ஸ்பூன்
சோம்பு 1 டீ ஸ்பூன்

Method:

முதலில் மசாலா பொடிக்கான சாமான்களை ஒவ்வொன்றாக வெறும் வாணலி இல் வறுத்து ஆறவைக்கவும்.
ஆறினதும் பொடிக்கவும்.
பாசுமதி அரிசியை களைந்து வடியப்போடவும்.
வாணலியில் ஒரு ஸ்பூன் நெய்விட்டு, பிரிஞ்சி இலையைப்போட்டு தாளித்துக்கொள்ளவும்.
பிறகு, தண்ணீர் வடிந்த அரிசியை போட்டு நன்கு வறுக்கவும்.
அதை குக்கர் பாத்திரத்தில் போட்டுக்கொள்ளவும்.
அல்லது எலக்டிரிக்கல் குக்கர் பாத்திரத்தில் போட்டுக்கொள்ளவும்.
மீண்டும் வாணலி இல் ஒரு ஸ்பூன் நெய்விட்டு பொடியாக நறுக்கி வைத்துள்ள காய்கறிகளை போட்டு வதக்கவும்.
பச்சை மிளகாய், இஞ்சி பூண்டு மற்றும் வெங்காயத்தை மிக்சி இல் மையாக அரைக்கவும்.
அரைத்த விழுதை காய்கறிமேல் கொட்டி , நன்கு கிளறவும்.
தேவையானால் கொஞ்சம் எண்ணைவிட்டுக்கொள்ளவும்.
இப்பொழுது கொஞ்சம் உப்பு மற்றும் ஒரு டேபிள் ஸ்பூன் பிரியாணி மசாலா பொடி போட்டு நன்கு கிளறவும்.
அது நன்கு வதங்கியதும், வறுத்து வைத்துள்ள அரிசிமேல் கொட்டவும்.
ஒரு கப்புக்கு இரண்டு கப் என்று தண்ணீர் அளந்து விடவும்.
அதில் ஒரு டீஸ்பூன் எலுமிச்சை சாறு விடவும்.
ஒரு ஸ்பூன் எண்ணை விடவும்.
நன்கு கலந்து விடவும்.
ருசிபார்த்து உப்பு போட்டுக்கொள்ளவும்.
குக்கர் பாத்திரத்தை குக்கரில் வைத்து ஆன் செய்யவும்.
மூன்று விசில் வந்ததும் அணைத்துவிடவும்.
குங்குமப் பூ வை தண்ணீர் விட்டு வைக்கவும்.
வெந்த பிரியாணியை வெளியே எடுத்ததும் குங்குமப் பூ கரைசலைக் கொட்டி ஒரு கிளறு கிளறி பரிமாறவும்.
இதற்கு வெங்காய தயிர் பச்சடி நன்றாக இருக்கும்.